केहि दिन अघि देखि केहि समाचार माध्यमहरुमा “बिहे गर्दै आस्था, बिहे गर्ने तयारी गर्दै आस्था ” नामक शीर्षकमा समाचारहरु छापिए। समाचारमाध्यमले शीर्षकमा राखेको आस्था चर्चित गायिका आस्था राउतको बारेमा थियो।
गायिका आस्था राउत बोल्नमा प्रष्टवक्ता मानिन्छिन् । आफ्नो मनमा लागेका कुरा अथवा चित्त नबुझेका कुरा निर्धक्कका साथ राख्दछिन् । यही कारण उनी समय समयमा विवाद र चर्चामा आउछिन् । वर्षदिन अघि सिक्किम जाँदा त्रिभूवन अन्तर्राष्ट्रिय विमानस्थलमा महिला प्रहरीले आफूमाथि गरेको व्यवहार प्रति असन्तुष्टि जनाउदै फेसबुक लाइभ गरेपछि सामाजिक संजाल लगाएतका ठाउँमा उनी विवादमा तानिएकी थिइन् । यही कारणले उनलाई प्रहरीले पक्राउ पनि गरेको थियो । तर महिला प्रहरी र गायिका राउतबीच सहमतिपछि उनी रिहा भएकी थिइन् ।
यिनै आस्थाले मिडियाप्रति लक्षित गर्दै एक स्टाटस लेखेकी छन् । खास गरी मिडियाले सेलिब्रेटीको विवाह अघि लेख्ने समाचारको शीर्षकप्रति लक्षित गर्दै स्टाटस लेखेकी छन्।
‘आई डन्ट एप्रिसियट न्यूज लाइक लगन जुर्यो रे, के रे, के रे । जब सम्म मिडियालाई आधिकारिक इन्फरमेसन आउँदैन र जबसम्म म नै भन्दिन प्लिज यस्तो हावा न्यूज सर्कुलेट नगर्दिनु होला । मिडियाको लाइमलाइट मलाई घाटीसम्म पुगिसकेको हो पहिल्यै । म पहिला जस्तो सो कल्ड फ्रिडम अफ स्पिच छ भन्दैमा बोल्न मन लाग्न छोडिसक्यो । किन कि म सत्य बोल्छु र मेरो सत्य धेरैलाई पच्दैन रहेछ । मेरो शुभचिन्तकहरु भन्दा पनि मलाई र मेरो राम्रो देख्न नसक्नेको जमात धेरै रहेछ । जबकि म सँधै सहयोगी भावना राख्ने ठूलोलाई सम्मान सानोलाई माया गर्ने मान्छे हो । ठिकै छ । समयले कसैलाई पनि छोड्दैन । म त अहिल्ये एकदम नै खुशी छु । फ्रिलान्सर भएर काम सुरु गर्न पाको छु । कोभिडको तनावबाट बिस्तारी निस्किदै छु । सिक्किममा छु । शो बबाल भयो एण्ड एम ह्याप्पी फर माइसेल्फ । जुनको बाटो जुन हिड्ने हो घामको बाटो धाम । प्लिज एकअर्काको खुट्टा नतान । बरु सबै मिलेर आउ देश बनाम । सबै नेपाली जाति नेपाली भाषी हामी सबैको जय होस ।’ उनले लेखेकी छन् ।
