त्रिभुवन अन्तर्राष्ट्रिय विमानस्थल काठमाडौंबाट लुक्ला उडेको समिट एयर जहाजको एउटा इन्जिन फेल भएपछि पुनः काठमाडौंमै फर्काएर सुरक्षित अवतरण गरिएको हो ।
काठमाडौंबाट आइतबार बिहान ११ बजेर ४७ मिनेटमा एसएमए ४०७ उडान नम्बरको जहाज लुक्ला उडेको थियो ।
समिट एयरको लुक्लाका लागि प्रस्थान गरेको जहाजमा १५ जना यात्रु र तीनजना चालक दलका सदस्य रहेका थिए ।
एएमपी विमानको बायाँ इन्जिन समस्या देखिएपछि चालक दलले दायाँ इन्जिनका भरमा बायाँ इन्जिन बन्द गरेर ४० माइलबाटै काठमाडौं फर्काएका थिए ।
विमानस्थल करिब १० मिनेटका लागि बन्द गरेर जहाज अवतरण गराइएको थियो । विमानस्थल स्रोतका अनुसार सबै यात्रु सुरक्षित छन् ।
