लोकसेवा आयोगका रोकिएका परीक्षा आउँदो साउन १५ देखि सञ्चालन हुने भएका छन् । आयोगमा पदाधिकारी नियुक्ती भएलगत्तै कोरोना भाइरस संक्रमणको महामारीका कारण स्थगित भएका परीक्षा सञ्चालन गर्ने निर्णय भएको हो ।
यसअघि कोरोना महामारी र आयोगमा पदाधिकारी नहुँदा परीक्षा स्थगित भएको थियो । बुधवारको गोरखापत्र दैनिकमा प्रकाशित सूचनाअनुसार स्थगित भएका परीक्षा साउन १५ देखि असोज २५ गतेसम्म गर्ने निर्णय भएको आयोगले जनाएको छ । स्वास्थ्यसम्बन्धी मापदण्ड पालना गरेर परीक्षा सञ्चालन गर्ने आयोगको तयारी छ ।
आयोगले ११ वटा विज्ञापनमा विविध कारणले रोकिएका परीक्षा, अन्तर्वार्ता, नतिजा प्रकाशन लगायतको कार्यतालिका सार्वजनिक गरेको छ ।
