एक गिरोहले थाइल्याण्डमा बसेर नेपाल हुँदै भारतमा गाँजा तस्करी गर्ने गरेको खुलेको छ।
थाइल्याण्डमैबसी गाँजा तस्करीमा नेपाललाई ट्रान्जिट बनाएको पाइएको हो। त्यही क्रममा लागुऔषध कारोबारीले पठाएको गाँजा लिएर आउने र लिन आउने ३ जनालाई पक्राउ गरिएको लागुऔषध नियन्त्रण ब्यूरोले जानकारी दिएको छ। थाई एयरलाइन्सको उडानमार्फत काठमाडौँ आएकी २७ वर्षीया थाई नागरिकको साथबाट प्रहरीले ५ केजी २ सय ग्राम गाँजा बरामद गरेको थियो।
उत्त गाँजा लिएर भारत लैजान खोज्ने थाइल्याण्ड घर भई काठमाडौँ बस्ने २४ वर्षीया चोङलादा र भारत घर भएका ३१ वर्षीय जम्सादलाई पक्राउ गरिएको ब्यूराेका प्रहरी उपरीक्षक नारायण अधिकारीले बताएका छन् । उनीहरूलाई बिहिबार सार्वजनिक गरिएको हो ।
