नेपाली कांग्रेसका नेता डा. शेखर कोइरालाले देशको नेतृत्व गर्नेहरु विचौलियाको खेलमा सहभागी बनेको आरोप लगाएका छन्।
उनले नेपाललाई समृद्ध बनाउन सकिने भन्दै त्यसको लागि विचौलियाहरुबाट सचेत र सतर्क रहन जरुरी रहेको उल्लेख गरेका छन्। उनले नेतृत्व तह नै विचौलियाहरुसँग मिल्दा देश विकासमा समस्या आइरहेको बताएका छन्।
उनले नेपाली कांग्रेस र नेकपा एमाले मिलेर सरकार बनाउँदा नै संविधानमा सुधार गर्ने कुरा उल्लेख गरिएको र प्रधानमन्त्री केपी शर्मा ओलीले प्रधानमन्त्री बनेपछि संसदको रोष्ट्रममा उभिएर संविधान संशोधनको कुरा गरेको स्मरण गराउँदै आवश्यक परिवर्तन जरुरी रहेको बताएका छन् ।
