दाम्पत्य जीवन सुखमय हुनुपर्छ । यसले उनीहरुको घरव्यवहारलाई चुस्त र छरितो मात्र बनाउँदैन, अरु थुप्रै फाइदा गर्छ । के छ त सफल दाम्पत्यका फाइदाहरु ?
१. सफल दाम्पत्य एक सुरक्षा कवज जस्तै हुन्छ, जसले पति-पत्निलाई निश्चित जीवन जीउने आश्वसन दिन्छ ।
२. यस्तो दम्पती शान्तसँग परिवारलाई सुखमय बनाउन मात्र सफल हुँदैनन्, आफ्नो करियरलाई पनि निरन्तर अघि बढाइरहेका हुन्छन् ।
३. एकअर्काको दुख, सुख, खुसी, पीडा साझेदार गर्ने भएकाले यस्तो दम्पती सबैखाले समस्याबाट मुक्त हुन्छन्, आर्थिक रुपमा समेत उनीहरु सुरक्षित महसुष गर्न सक्छन् ।
४. यौन कुष्ठा एवं मानसिक तनावबाट पनि उनीहरु मुक्त हुन्छन् ।
५. दम्पतीबीच कसैलाई परेको समस्यामा पार्टनरले साथ दिन्छन्, त्यही कारण उनीहरुमा उच्च आत्मामनोबल हुन्छ ।
६. दुबैले एकअर्काको साथ दिने भएकाले उनीहरुमा दह्रो आत्मविश्वास हुन्छ, जसको बलमा उनीहरु जस्तोसुकै कठिन क्षणपनि सजिलै पार गर्छन् ।
७. सफल दम्पतीले एकअर्कालाई सधै खुसी तुल्याउने बाटो खोज्छन् । उनीहरुबीच अविश्वास, धोका हुँदैन । जसले गर्दा निश्चिन्त भएर आफ्नो काममा लाग्न सक्छन् । उनीहरुले आफ्नो करियरलाई उचाइमा लान सक्षम हुन्छन् ।
८. उनीहरुमध्ये एकलाई कुनै द्विविधा भएमा पार्टनरले त्यसको हल खोज्छन् । कुनैपनि निर्णय लिन उचित सल्लाह दिन्छन् ।
९. सफल दाम्पत्यको तनावको मात्रा एकदमै कम हुन्छ ।
१०. सुखी र खुसी रहने भएकाले उनीहरु स्वास्थ्य हुन्छन् । भावी सन्ततीका लागि पनि उनीहरु आदर्श जोडीको रुपमा स्थापित हुन्छन् ।
