Homeअनौठो कुरापूर्व प्रेमिकालाई अपहरण गरी अनुहारमा बनाइदिए आफ्नो नामको ट्याटु

पूर्व प्रेमिकालाई अपहरण गरी अनुहारमा बनाइदिए आफ्नो नामको ट्याटु

ब्राजिलका एक व्यक्तिले पूर्व प्रेमिकालाई अपहरण गरेर च्यापुमा आफ्नो नामको ट्याटु बनाइदिएका छन् । उनले यसो गरेर पूर्व प्रेमिकामाथि ब्रेकअपको बदला लिएका थिए ।

१८ वर्षकी तयाने काल्दास ब्राजिलको राज्य साओ पाउलोमा अघिल्लो शुक्रबार स्कूल जाँदै थिइन् । त्यतिबेला उनको भेट पूर्व प्रेमी गेब्रियल कोइल्होसँग भयो । उनले तयानेलाई जबर्जस्ती कारमा राखे । नमान्दा आक्रमण गर्ने हो कि भन्ने डरले उनी थपक्क कारमा बसिन् । त्यसपछि उनलाई पूर्व प्रेमीको घरमा लगियो । त्यहाँ उनका २० वर्षका पूर्व प्रेमीले तयानेको दाहिने कानदेखि मुन्तिर चिउँडोसम्म आउने गरी आफ्नो पूरा नामको ट्याटु बनाइदिए । गेब्रियलले ट्याटु बनाएको आरोप अस्वीकार त गरेनन्, तर तयानेले निकै खुसीका साथ यसो गर्न दिएको भन्न भ्याए ।

भोलिपल्ट तयानलेकी आमाले छोरी हराइरहेको रिपोर्ट दर्ता गरेर गेब्रियलको घरमा ट्र्याक गर्ने बन्दोबस्त मिलाइन् । उनले आफ्नी छोरीलाई घर लगिन् र उनको नयाँ अनुहारको ट्याटु र चोट लुकाउनुको सट्टा दुर्व्यवहार गर्ने प्रेमीविरुद्ध मुद्दा दर्ता गर्न प्रोत्साहित गरिन् ।

अडिटी सेन्ट्रलका अनुसार​ गेब्रियललाई शनिबार हिरासतमा लिइएको थियो । उनका बुवाले तयाने प्रेमीको पूरा नामको ट्याटु गालामा बनाउन पाउँदा निकै खुसी भएको दाबी गर्दासमेत उनलाई पक्राउ गरिएको हो ।

‘मलाई उसँग डर लाग्छ,’ तयानेले टिभी ब्यान्ड भ्यालेसँग भनिन् । ‘आजकालका कानुन, सबैलाई थाहा छ कि ऊ धेरै समयसम्म जेलमा बस्ने छैनन्, यो पूरा घटनासँगै मलाई उसँग असाध्यै डर लागेको छ ।’

तयानेका वकिलले उनीमाथिको भयानक घटना अनलाइनमार्फत् साझा गरेका छन् । यससँगै धेरै ब्राजिलियन इन्फ्लुएन्सर र ट्याटु हटाउने पसलहरुले उनलाई मद्दत गर्न अग्रसर भए । १८ वर्षीया किशोरीले बुधबार अनुहारबाट ट्याटु हटाउने पहिलो लेजर सेसन गरिन् । उनले गेब्रियलको नामको अन्य दुईवटा ट्याटु पनि हटाउने योजना बनाएकी छिन् ।

यी दुईले सन् २०१९ देखि डेटिङ सुरु गरेका थिए । सुरुमा सबैकुरा राम्रो र सामान्य नै थियो । तर करिब एक वर्षपछि ट्याटु आर्टिस्ट गेब्रियल असाध्यै शंकालु हुन थाले र उनीमाथि कुटपिट गर्न थाले । त्यति नै बेला उनकी आमाले ती प्रेमीलाई छोडिदिन भनेकी थिइन् । त्यसपछि यी दुईको ब्रेकअप भयो र त्यसको करिब ८ महिनापछि कुटपिट नगर्ने बचन दिएपछि यी दुई पुनः सम्बन्धमा रहे । तर उनले आफ्नो बाचा तोडे ।

तयानेका अभिभावकले छोरीलाई केही महिनाका लागि साओ पाउलो पनि पठाए तर उनी घर फर्कने बित्तिकै उनलाई पुनः धम्की दिन सुरु गरिहाले ।

एजेन्सी

TLN Post
TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read