Homeजानकारीको–को म्यादी प्रहरी हुन पाउँछन् ? कस्ता छन म्यादी प्रहरी हुन चाहिने...

को–को म्यादी प्रहरी हुन पाउँछन् ? कस्ता छन म्यादी प्रहरी हुन चाहिने मापदण्ड?

सरकारले स्थानीय तह निर्वाचनका लागि करिब एक लाख १९ हजार म्यादी प्रहरी भर्ना गर्दै छ।

आगामी ३० वैशाखका लागि घोषित निर्वाचनका लागि तयार गरिएको ‘म्यादी प्रहरी भर्ना छनौट मापदण्ड–२०७८/२०७९’ को खाकामा म्यादी प्रहरीमा भर्ना हुन पाउन विभिन्न मापदण्ड तयार गरेको छ ।

मापदण्ड अनुसार म्यादी प्रहरी हुन १८ वर्ष पूरा गरी ५४ वर्ष ननाघेको हुनुपर्नेछ । साधारण लेखपढ गर्न जान्ने र कुनै राजनीतिक दलको सदस्य नभएको हुनुपर्ने मापदण्डमा उल्लेख गरिएको छ ।

कुनै नैतिक पतन देखिने फौजदारी अभियोगमा कसूरदार नठहरिएको र शारीरिक र मानसिक रुपले तन्दुरुस्त रहेको हुनुपर्ने पनि भनिएको छ । यसरी नियुक्त भएका म्यादी प्रहरीले जनपथ प्रहरीसँग मिलेर काम गर्नुपर्ने छ ।

गृह मन्त्रालयले बनाएको निर्वाचन सुरक्षा कार्यविधि अनुसार मतपेटिकाको सुरक्षामा नेपाल प्रहरीको टोली खटिन्छ । त्यसपछिको घेरामा नेपाल प्रहरी र म्यादी प्रहरी खटिन्छन् । मतदानस्थलको बाहिरी सुरक्षाका लागि सशस्त्र प्रहरी बल र नेपाली सेनालाई खटाउने व्यवस्था छ ।

मापदण्डमा म्यादी प्रहरीले तोकिएको क्षेत्रमा इमान्दारीपूर्वक जिम्मेवारी पूरा गर्नुपर्ने भनिएको छ । कुनै पनि दल वा उम्मेवारको पक्षमा भोट माग्न, पक्ष वा विपक्षमा लाग्न नहुने भनिएको छ । कुनै दल वा दलका प्रतिनिधिको विरोध वा समर्थन गर्न पनि नपाइने व्यवस्था पनि मापदण्डमा राखिएको छ ।

निर्वाचन विरोधी कुनै गतिविधि हुने सूचना पाए आफ्नो कमाण्डरलाई तत्काल जानकारी गराउनुपर्ने, मतदानमा खटिने कर्मचारी, मतपेटिका र मतदान सामग्रीको सुरक्षामा विशेष ध्यान दिनुपर्ने म्यादी प्रहरीको जिम्मेवारी हुनेछ ।

काम छाडेर वा अरुलाई जिम्मा लगाएर कतै जान वा भाग्न पनि रोक लगाइएको छ । बीचमा काम छाडेर हिँडे वा जिम्मेवारी पूरा नगरे सुविधा रोक्का हुने मापदण्डमा उल्लेख छ ।

कुनै म्यादी प्रहरीले जानाजान सरकारी सम्पत्तिको हानी नोक्सानी गरे उसैबाट असूल गरिने पनि उल्लेख गरिएको छ ।

TLN Post
TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read