Homeअर्थयी हुन् नेपालबाट निर्यात हुने प्रमुख २० वस्तु

यी हुन् नेपालबाट निर्यात हुने प्रमुख २० वस्तु

चालू आर्थिक वर्षको ६ महिनामा कुल वस्तुनिर्यात ९५.५ प्रतिशतले वृद्धि भई रु.११८ अर्ब ८५ करोड पुगेको छ । अघिल्लो वर्षको सोही अवधिमा यस्तो निर्यात ६.१ प्रतिशतले वृद्धि भएको थियो ।

नेपाल राष्ट्र बैंकको तथ्यांक अनुसार यस अवधिमा वस्तुगत आधारमा अलैंची,चिया, जडीबुटी, जस्तापाता, तार लगायतका वस्तुको निर्यात घटेको छ भने पामतेल, सोयाविन तेल, पिना, जुस, ऊनी गलंैचालगायतका वस्तुको निर्यात बढेको देखिन्छ ।

निर्यात वृद्धिमा सबैभन्दा ठुलो योगदान तेलको रहेको छ । तर, यसबाट बढेको निर्यातमा उत्साहित बन्नुपर्ने देखिदैन । किनकी यी वस्तु आयातित कच्चा पदार्थबाट उत्पादन भई निर्यात हुने हुन् । जसबाट मुलुकलाई ठूलो लाभ हुने देखिदैन ।

कूल निर्यातको ठूलो हिस्सा नै यस प्रकारको आयातित कच्चा पदार्थबाट निर्मित सामाग्री बन्दा निर्यातमा देखिएको वृद्धिबाट समेत उत्साहित बन्न नमिल्ने अवस्था बनेको हो । नेपाल राष्ट्र बैंकको तथ्यांकलाई नै हेर्ने हो भने चालू आर्थिक वर्षको छ महिनामा निर्यातमा सोयाविन तेलका हिस्सा २८.८ प्रतिशत रहेको छ । यस अवधिमा यो तेल निर्यातमा १०१.२ प्रतिशतले वृद्धि भएको देखिन्छ ।

चालू आर्थिक वर्षको छ महिनामा तीन अर्ब ४२ करोड ७० लाख रुपैयाँ बराबरको सोयाविन तेल निर्यात भएको छ । त्यस्तै, निर्यातको सर्वाधिक हिस्सा लिने वस्तुको दोस्रो स्थानमा पाम तेल रहेको छ । जसको हिस्सा २६.९ प्रतिशत रहेको छ । यस अवधिमा पाम तेल तीन अर्ब १९ करोड ७५ लाख रुपैयाँको निर्यात भएको छ ।

त्यस्तै, नेपालबाट निर्यातको अर्को ठूलो हिस्सा हिस्सा लिएको अर्को वस्तु हो, धागो छ । चालूू आर्थिक वर्षको छ महिनामा धागो निर्यातमा २१.९ प्रतिशतले वृद्धि भएको छ । जसको निर्यातको हिस्सा ३.८ प्रतिशत रहेको छ । यस अवधिमा ४४ करोड ६१ लाख रुपैयाँको धागो निर्यात भएको छ ।

नेपाल राष्ट्र बैंकको तथ्यांक अनुसार प्रमुख निर्यातित वस्तुहरुमा गलैचा र जुट रहेको छ । यी वस्तुको निर्यातको हिस्सा ३ प्रतिशतभन्दा बढी रहेको छ । चालू आर्थिक वर्षको छ महिनामा ४३ करोड ९६ लाख रुपैयाँको गलैचा निर्यात भएको छ भने ३९ करोड ३३ लाख रुपैयाँको जुट निर्यात भएको छ ।

त्यस्तै, यस अवधिमा २५ करोड ८२ लाख रुपैयाँको जुस निर्यात भएको छ । तयारी कपडाहरु २३ करोड ६७ लाख रुपैयाँ, अलैंची २२ करोड ७३ लाख, चिया १८ करोड ४७ लाख, कपडाहरु १६ करोड ६६ लाख रुपैयाँ र पश्मिना १५ करोड ६८ लाख रुपैयाँको निर्यात भएको छ ।

चालू आर्थिक वर्षको ६ महिनामा पीनाको निर्यातमा सर्वाधिक वृद्धि भएको छ । यस अवधिमा पिना निर्यात १३६.६ प्रतिशतले बढेको देखिन्छ । जुन २२ करोड २२ लाख बराबरको पिना निर्यात भएको हो । तथ्यांकमा उल्लेख भए अनुसार चालू आर्थिक वर्षको छ महिनामा ९ करोड ९३ लाखको चाउचाउ निर्यात भएको छ ।

त्यस्तै, यस अवधिमा आयुर्वेदिक औषधी ८ करोड ९९ लाखको, ६ करोड ९० लाखको चाँदी तथा ज्वलरीका समान, ६ करोड ४३ लाखको जडीबुटी, ६ करोड ४१ लाख रुपैयाँको गम (रोजिन), ६ करोड १६ लाखको जुत्ता तथा चप्पल, ५ करोड ४३ लाखका हस्तकलाका सामाग्री र ४ करोड ८८ लाख रुपैयाँको सांगितीक बाजाहरु तथा यसका पार्टहरु निर्यात भएको तथ्यांकमा उल्लेख छ ।

TLN Post
TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read