पछिल्लो दुई वर्षमा कोरोनाभाइरस महामारीले हामी सबैको स्मरण शक्तिलाई कमजोर बनाएको छ । कोरोना भाईरसले शारीरिक रुपमा त् दुख दियो नै त्यो संगसंगै मानसिक रुपमा पनि यसले असर देखाईरहेको छ। जसका कारण मानिसले महत्त्वपूर्ण कामहरु बिर्सने समस्या बढ्दै गएको विज्ञ बताउँछन् ।
बेलायतको केन्ट युनिभर्सिटीका मनोविज्ञानका वरिष्ठ प्राध्यापक अमिर हुमायुन जावादीले भने, ‘ मानिसले जीवन बिताउने परिस्थितिलाई अनुकूल बनाउने बानी रहेको छ । कोरोनाका कारण मानिसहरूले पछिल्ला दुई वर्षदेखि जीवनमा धेरै योजना बनाएका छैनन् । त्यसकारण मानिसहरुको स्मरण शक्ति र ध्यान केन्द्रित गर्ने क्षमतामा नकारात्मक असर पारेको छ ।’
क्यालिफोर्निया विश्वविद्यालयका न्यूरोबायोलोजीका प्रोफेसर माइकल यासाले भने, ‘मेमोरी भनेको तस्बिर खिचेर सम्झनु मात्र होइन। मेमोरी एक पल जिएपछि बन्छ । कोरोना महामारीले गर्दा मानिसहरुलाई मेमोरी बनाउन निकै गाह्रो भएको छ । त्यसैले उनीहरुलाई कुनै पनि कुरा याद नगर्ने बानी परेको छ ।’
भाइरस वा महामारी चिन्ताको कारणले स्मरणशक्ति बढाउनको लागि होस् या हाम्रो जीवनशैली परिवर्तनले हामीलाई हाम्रो दिमाग निको पार्न मद्दत गर्न सक्छ। स्मरणशक्ति राम्रो बनाउन विज्ञले यी टिप्स अपनाउन भनेका छन् :
१. समयमै सुत्नुहोस्
२. दैनिक कम्तिमा २० मिनेट व्यायाम गर्नुहोस्
३. पौष्टिक आहार खानुहोस्
४. मानिसहरूसँग अन्तरक्रिया–कुराकानी गर्नुहोस्
५. हरेक दिन केहि नयाँ सिक्ने प्रयास गर्नुहोस्
