Homeसमाचारप्यूठानमा बेहुली लिएर फर्कंदै गरेको जिप दुर्घटना : ८ जनाकाे मृत्यु

प्यूठानमा बेहुली लिएर फर्कंदै गरेको जिप दुर्घटना : ८ जनाकाे मृत्यु

प्यूठानमा जिप दुर्घटना हुँदा ८ जनाकाे मृत्यु भएकाे छ।

नाैबहिनी गाउँपालिकाकाे लुङबाट बेहुली लिएर गाैमुखी गाउँपालिकाकाे लिवाङ फर्कदै गरेकाे जिप ओखरपाटामा दुर्घटनामा हुँदा ६ जनाकाे घटनास्थलमै मृत्यु भएकाे जिल्ला प्रहरी कार्यालय प्यूठानले जानकारी दिएकाे छ ।

ग १ ज ५०९२ नम्बर को जिप दुर्घटनामा परेकाे हाे । दुर्घटनामा अन्य ५ जना गम्भीर घाइते भएका छन् । उनीहरूलाई उपचारका लागि जिल्ला अस्पताल बिजुवार ल्याइएको जिल्ला प्रहरी कार्यालय प्यूठानका प्रमुख सत्यनारायण थापाले बताए । जीपमा कूल १३ जना सवार रहेको थिए ।

जिप नौबहिनी गाउँपालिकाको लुङबाट बेहुली लिएर गौमुखी गाउँपालिकाको लिवाङ फर्किंदै गर्दा शनिबार बिहान ३ बजे दुर्घटना भएको हो । जिप सडक देखि ३०० मिटर तल खोल्सामा खसेको थियाे ।

सदरमुकामभन्दा टाढा भएकोले दुर्घटनाको थप विवरण आउन बाँकी छ ।

TLN Post
TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read