सरकारले सोनाम ल्होसारमा सार्वजनिक बिदा दिने भएको छ।
सोमबार बसेको मन्त्रिपरिषद् बैठकले सोनाम ल्होसारको उपलक्ष्यमा सार्बजनिक बिदा दिने निर्णय गरेको हो।
मंगलबार गृह मन्त्रालयको उपसचिव वसन्त भट्टराईले एक विज्ञप्ति जारी गर्दै सोमबारको मन्त्रिपरिषद् बैठकले बुधबार (भोलि) देशभरका सरकारी कार्यालय र सार्वजनिक संघसंस्थामा सार्वजनिक बिदा दिने निर्णय गरेको जानकारी दिएका छन्।
