Home समाचार कैलालीका कक्षा १० मा पढ्ने चार विद्यार्थीले बनाए यस्तो कार

कैलालीका कक्षा १० मा पढ्ने चार विद्यार्थीले बनाए यस्तो कार

धनगढीमा रहेको एक्सिस विद्याश्रको कक्षा १० मा अध्ययनरत ४ जना विद्यार्थीको सार टीमले ‘अल्फा’ नामक कार निर्माण गरेर प्रदर्शन गरेका छन ।

दोस्रो चरणको कोरोना महामारीको अवधिमा लागू भएको निषेधाज्ञाको समयमा १६ बर्ष मुनिका विद्यार्थीले ४ महिना लगाएर चार चक्के इलेक्ट्रिक कारको निर्माण गरेका हुन्।

कार निर्माण गर्ने ४ जना किशोर ऋषिकेश थापा, रोहीत ऐर, आदित्य जोशी र सक्षम रेग्मीले एकलाख पचास हजारको लागतमा विद्युतबाट सञ्चालन हुने कार निर्माण गरेका हुन्।

स्थानीय स्तरमै पाइने विभिन्न सामग्रीहरु जुटाएर आफ्नै परिश्रमबाट गाडी निर्माण गरेको ऋषिकेश थापाले बताए। उनले लकडाउनको बेलामा चारजना साथीहरु मिलेर योजना बनाएर उक्त कार निर्माण गरेको बताए । उनीहरुले यसमा विद्यालय र घरपरिवारको पूर्ण सहयोग रहेको समेत बताए ।

चार जना किशोरले आफ्नै हातबाट निर्माण गरेको अल्फा नामक कारलाई आइतबार सार्वजनिक गरेका छन् । उनीहरुले अहिले सार्वजनिक गरिएको कारले ७ क्विन्टल सम्म भारी बोक्न सक्ने बताए ।

TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read