Home समाचार प्रचण्डकै साँठगाँठमा ज्ञानेन्द्रले माघ-१९ को कदम चालेको ओलीको आरोप

प्रचण्डकै साँठगाँठमा ज्ञानेन्द्रले माघ-१९ को कदम चालेको ओलीको आरोप

नेकपा (एमाले) का अध्यक्ष केपी शर्मा ओलीले माओवादी अध्यक्ष पुष्पकमल दाहाललाई गम्भीर आरोप लगाएका छन् ।

बुधबार एमालेका मनोनित केन्द्रीय सदस्यहरूलाई च्यासलस्थित तुलसीलाल स्मृति प्रतिष्ठानमा सपथ गराउँदै ओलीले तत्कालीन राजा ज्ञानेन्द्र शाह र माओवादी अध्यक्ष दाहालको साँठगाँठमा माघ-१९ को कदम चालिएको आरोप लगाएका हुन् ।

‘प्रचण्ड र ज्ञानेन्द्रबीचमा सहमति भएर त्यो उपद्रो भएको थियो । कसका विरुद्ध सहमति भएको थियो । त्यसबारे उनीहरूले जानकारी गराउन पर्छ’, ओलीले भने ।२०६१ साल माघ १९ मा ज्ञानेन्द्रले सत्ता हातमा लिँदै दलहरूमाथि प्रतिबन्ध लगाएर प्रत्यक्ष शासन सुरू गरेका थिए ।

सोही सहमतिपछि ज्ञानेन्द्रले माओवादीको कुनै अवरोध नै नझेलेको र अभिनन्दन कार्यक्रम नै चलाएको तर राजनीतिक दलहरू भने रुकुम, रोल्पालगायतका जिल्ला जान नपाएको दाबी पनि गरे ।

नेपालमा अस्थिरताको संवाहक दाहालसँगै माधव नेपाल पनि भएको ओलीको आरोप छ । ‘अहिले नियन्त्रित अस्थिरता मच्चाउन तत्वहरु सक्रिय छन् । ती शक्तिमा सबैभन्दा चर्कोगरी चल्ने प्रचण्ड एण्ड कम्पनी र माकुने एण्ड कम्पनी । सबैभन्दा बढी अस्थिरताका संवाहक तत्वहरु यिनीहरु नै हुन्’, उनले भने ।

ओलीले आफूहरुको काम देश बनाउने भएकाले भीम रावलसहितका असन्तुष्ट नेताहरुलाई सानो मन नबनाउन र चित्त नदुखाउन पनि आग्रह गरे । ‘न्याय भइराख्या हुन्छ, मान्छेलाई न्याय भएन भन्ने लाग्न सक्छ,’ ओलीले भने, ‘चित्त छ, त्यसैकारण बुझ्दैन होला । चित्त भन्ने चिज न छाम्दा भेटिन्छ, न इन्डोस्कोपी गर्दा भेटिन्छ, फेरि चित्तले भाँडभैलो मच्चाउँछ ।’

TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read