Home मनोरञ्जन विदेश जान लागेकी ज्याकलिनलाई मुम्बई विमानस्थलमा किन रोकियो ?

विदेश जान लागेकी ज्याकलिनलाई मुम्बई विमानस्थलमा किन रोकियो ?

बलिउड नायिका ज्याकलिन फर्नान्डिजलाई आइतबार बेलुका मुम्बई विमानस्थलमा विदेश जानबाट रोकिएको छ । उनी सलमान खानको ‘द ब्याङ्ग’ टुरका लागि साउदी अरबको रियाद जाँदै थिइन् । ज्याकलिन फर्नान्डिससँग २ सय करोडको मनी लन्ड्रिङ मुद्दामा सोधपुछ चलिरहेको छ । यो मुद्दा धोका दिएको आरोपमा फसेका सुकेश चन्द्रशेखरसँग जोडिएको छ ।

यसै सिलसिलामा उनलाई विमानस्थलमा रोकिएको हो । घटनाको अनुसन्धान गरिरहेका इन्फोर्समेन्ट डायरेक्टोरेट (इडी) को तर्फबाट ज्याकलिनविरुद्ध लुकआउट सर्कुलर जारी गरिएको छ । यो मामिलामा इडीले नायिका नोरा फतेहीसँग पनि सोधपुछ गरिसकेको छ ।

मिडिया रिपोर्ट अनुसार सुकेश चन्द्रशेखरले सोधपुछका बेला उनले ज्याकलिनलाई ५२ लाख भारुको एउटा घोडा र चार फारसी बिरालो उपहारमा दिएका थिए । यीमध्ये एउटा बिरालाको मुल्य ९ लाख भारु हो । इडीले ज्याकलिन र सुकेश नजिकका हुन् भनेर प्रमाणित गर्ने फोटोसमेत भेटेका छन् । इडीले ज्याकलिनलाई अगस्टमा पनि सोधपुछ गरेको थियो । यो मामिलामा सुकेश चन्द्रशेखर, उनकी श्रीमती लिना मारिया पल र ६ अन्य व्यक्तिविरुद्ध ७ हजार पानाको आरोपपत्र दर्ता गरिएको छ ।

दिल्ली प्रहरीको आर्थिक अपराध शाखाामा सुकेश र अन्य व्यक्तिविरुद्ध एफआइआर दर्ता छ । इडीले छापामारीपछि सुकेश चन्द्रशेखर यसका मास्टरमाइन्ड बताएको छ । उनी १७ वर्षको उमेरदेखि नै अपराधको दुनियाँको हिस्सा हुन् । २४ अगस्टमा सुकेशको चेन्नईमा समुद्रतर्फ फर्किएको बंगला सिज गरिएको थियो । बंगलाबाट ८२.५ लाख भारु, २ किलो सुन र १२ भन्दा बढी विलासी कार जफत गरिएको थियो ।

TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read