Home समाचार कमल थापालाई हराउने राजेन्द्र लिङदेन को हुन् ?

कमल थापालाई हराउने राजेन्द्र लिङदेन को हुन् ?

राष्‍ट्रिय प्रजातन्‍त्र पार्टीको अध्‍यक्षमा राजेन्द्र लिङदेन निर्वाचित भएका छन् । शनिबार सम्पन्‍न मतदानमा अध्यक्षका अर्का प्रत्‍यासी कमल थापालाई पराजित गर्दै लिङदेन राप्रपा अध्यक्ष निर्वाचित भएका हुन् ।

२०२२ भदौ २२ गते पाँचथरमा जन्मेका लिङदेन गत निर्वाचनमा झापा ३ बाट प्रत्यक्षमा निर्वाचित सांसदसमेत हुन् ।

२०३६ सालमा राष्ट्रवादी स्वतन्त्र विद्यार्थी मण्डलबाट राजनीति सुरु गरेका उनी २०४९ सालमा राष्ट्रिय प्रजातान्त्रिक विद्यार्थी संगठनको संस्थापक अध्यक्ष भएका थिए । २०६६ सालमा राप्रपा नेपालको केन्द्रीय सदस्‍य भएका लिङदेन २०७० मा राप्रपाको महामन्त्री भएका थिए ।

२०६१-६३ सम्‍म उनी जिल्ला विकास समिति झापाको सभापति भए । ०६० सालमा लिङ्देन जिल्ला विकास समिति झापाको सभापतिसमेत भएका थिए । दुई पटक जेल र ९ महिनाभन्दा बढी बन्दी जीवन बिताएका छन् ।

दोस्रो संविधान सभामा कांग्रेस नेता कृष्‍ण सिटौलासँग पराजित भएका लिङदेन २०७४ मा सिटौलालाई नै हराउँदै प्रतिनिधि सभा सदस्य निर्वाचित भएका हुन् । उनले राजनीति शास्त्र र इतिहासमा स्नातक गरेका छन् ।

 

TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read