Home समाचार काठमाडौं उपत्यकाको फोहोर आजबाट उठ्ने

काठमाडौं उपत्यकाको फोहोर आजबाट उठ्ने

करिब एक महिनादेखि काठमाडौं उपत्यकामा थुप्रिएको फोहोर आजदेखि व्यवस्थापन हुने भएको छ।

काठमाडौं महानगरपालिका र सिसडोलका स्थानीयबीच मंगलबार भएको १४ बुँदे सहमतिअनुसार फोहोर व्यवस्थापनको अवरोध हटाई उपत्यकामा रहेको फोहोरलाई सिसडोलमा व्यवस्थापन गर्ने सहमति भएको छ।

महागरको वातावरण व्यवस्था विभागका प्रमुख हरिकुमार श्रेष्ठ र ककनी वडा-१ का वडा अध्यक्ष चन्द्रबहादुर श्रेष्ठसहित संलग्न बैठकले विभिन्न १४ बुँदे सहमतिमा गर्दै फोहोर ढुवानीमा भएको अवरोध हटाउँदै फोहोर व्यवस्थापन गर्ने निर्णय गरेको हो। सहमतिअनुसार अब स्थानीयले फोहोर ढुवानीमा अवरोध सिर्जना गर्नेछैनन् र उपत्यकाको फोहोर व्यवस्थापन हुनेछ।

फोहोर उठ्न रोकिएपछि उपत्यकाका सडक दुर्गन्धित हुनुका साथै सडक, चोक र गल्लीमा आवतजावतमा असहजता हुँदै आएको थियो। प्रधानमन्त्री शेरबहादुर देउवाले सोमबार काठमाडौं उपत्यकामा फोहोर तत्काल उठाउन काठमाडौं महानगरपालिकाका प्रमुख र उपप्रमुखलाई निर्देशन दिएका थिए।

फोहोर व्यवस्थापनका विषयमा छलफल गर्न मंगलबार मेयर शाक्यको संयोजकत्वमा काठमाडौंका प्रमुख जिल्ला अधिकारी, सडक विभागका महानिर्देशक, प्रहरी वरिष्ठ उपरीक्षकलगायतको बैठक बसेको थियो। बैठकको निर्णयपछि उपत्यकाका विभिन्न सडक र चोकमा थुप्रिएको फोहोर बुधबार विहान ६ बजेबाट उठ्ने प्रमुख शाक्यले बताएका थिए।

बैठकमा सडक विभागले बञ्चरेडाँडासम्म पुग्ने बैकल्पिक बाटो निर्माण गर्ने र यसको खर्च महानगरपालिकाले व्यर्होने निर्णय भएको उनले बताए। यहि निर्णय अनुसार सडक विभागले काम अगाडि बढाएको समेत उनले जानकारी दिए।

TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read