Home समाचार मिर्गौला फेरेर आए झलनाथ खनाल, विमानस्थलवाटै दिए ओलीलाई यस्तो चुनौती

मिर्गौला फेरेर आए झलनाथ खनाल, विमानस्थलवाटै दिए ओलीलाई यस्तो चुनौती

नेकपा (एकीकृत समाजवादी) का नेता झलनाथ खनाल लामो समय उपचारका लागि दिल्ली बसेर नेपाल फर्किएका छन् । उनी मिर्गौला प्रत्यारोपणका लागि भारत गएका थिए । उनलाई लिन विमानस्थलमा अध्यक्ष माधव कुमार नेपाल पुगेका थिए । त्रिभुवन अन्तराष्ट्रिय विमानस्थलमा सोमवार ओर्लिएका खनालले आउनासाथ राजनीतिक कुरामा आफ्ना भनाई राखे ।

उनले विमानस्थलमै नेकपा एमाले दक्षिणपन्थी गुटवाद भएको आरोप लगाएका छन्। खनालले नेताहरुलाई एमालेमा विद्रोह गर्न आग्रह गरेका हुन् । भने,’अहिले केपी ओलीको पार्टी भनेको दक्षिणपन्थी हो। हामीले त्यसका विरुद्ध विद्रोह गर्नुपर्छ। नयाँ दृष्टिकोणको आवश्यकता छ। नेकपा एमाले हामीले बनाएको पार्टी हो। त्यसका नशा नशामा हाम्रो पसिना छ।’

पूर्व प्रधानमन्त्री खनालले आफ्ना जीवन नाफाको भएको बताए । ७१ वर्ष लागिसकेकाले अब कार्यकारी पदमा दाबी नगर्ने र देश, रा्ष्ट्रियता र कम्युनिस्ट आन्दोलनको विकास र विस्तारमा काम गर्ने उनले बताए ।

विमानस्थलबाट बाहिरिँदा खनाल ह्वील चेयरमा बसेका थिए । विमानस्थलमा खनालको तर्फबाट एकीकृत समाजवादीका नेता प्रमेश हमालले विज्ञप्ति वाचन गरेका थिए । पछि खनालले ह्वीलचेयरमै बसेर सम्बोधन गरेका थिए ।

‘भ्र मका धेरै खेतीहरु भइरहेका छन्। त्यसलाई विस्तारै खडेरी पर्ने स्थिति बनाउनुपर्ने हुन्छ। क्रान्तिकारी विचारलाई अगाडि बढाउने क्रममा मन पनि फराकिलो हुँदै जान्छ,’ उनले भने।

TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read