Home अनौठो कुरा प्रेमिकालाई महँगो उपहार किन्न लुटपाट

प्रेमिकालाई महँगो उपहार किन्न लुटपाट

आफ्नी प्रेमिकालाई जन्मदिनका उपलक्ष्यमा महँगो उपहार किन्नकै लागि छुरा देखाएर एक व्यक्तिलाई लुटेको आरोपमा भारतमा एक जना २२ वर्षीय युवकलाई प्रहरीले गिरफ्तार गरेको छ । दक्षिण–पश्चिमी दिल्लीको डाबरी निवासी ‘विराट सिंह’ नामक ती व्यक्ति डाबरीको बस स्ट्यान्डमा भएको लुटपाटको सिलसिलामा पक्राउ परेका हुन् ।

एक वरिष्ठ प्रहरी अधिकारीले एक व्यक्तिले चार जना पुरुषले छुरा देखाएर आफ्नो साथमा रहेको ५ हजार ५ सय नगद, परिचय पत्र र मोबाइल लुटेको उजुरी गरेको जानकारी दिएका छन् । नाम नखुलाइएका ती पीडितले आफूलाई एक जना लुटेराले छुरा रोपेको पनि बताएका थिए । मंगलबार सुराकीको सूचनाको आधारमा प्रहरीले नाजाफगढको धर्मपुरास्थित गुरजार डायरी नजिकबाट सिंहलाई पक्राउ गरेको हो ।

उनले प्रहरीसमक्ष आफू गुरागाउँस्थित एउटा कल सेन्टरमा काम गर्ने गरेको र लकडाउनका कारण जागिर गएको र गर्लफ्रेन्डलाई उपहार किन्न सो अपराध कार्यमा सरिक भएको बताएका छन् । उनको साथबाट लुटिएको मोबाइल भेटिएको छ । प्रहरीले बाँकी लुटेराको खोजी गरिरहेका छन् ।

एजेन्सी

TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read