Home समाचार काठमाडौंको कपनमा मिथेन ग्यास निस्कियो, अनुसन्धान गर्दै विज्ञ

काठमाडौंको कपनमा मिथेन ग्यास निस्कियो, अनुसन्धान गर्दै विज्ञ

कपनको पञ्चकन्यानजिकै घर निर्माण गर्नका लागि बोरिङ खन्ने क्रममा ग्यास निस्किएको छ । ग्यास निस्किएपछि स्थानीय अचम्भित र त्रसित बनेका छन् ।

मंगलबार बिहान घर बनाउनका लागि बोरिङ खन्दै गर्दा एक्कासी ग्यास निस्किएको स्थानीय नारायण कार्कीले बताए । ‘यस्तो कहिल्यै देखेका थिएनौं,’ उनले भने ।

ग्यास निस्किएको जानकारीपछि कपनस्थित प्रहरी र खानी तथा भूगर्भ विभागका प्राकृतिक ग्यास विभागका प्रमुख पृथ्वीनारायण श्रेष्ठ सम्बन्धित ठाउँमा पुगेका थिए । विभागका प्रमुख श्रेष्ठका अनुसार काठमाडौंमा विभिन्न भागको जमिनमुनी मिथेन ग्यास भएकाले यहाँ पनि त्यही ग्यास निस्किएको बताए ।

‘मिथेन ग्याँस प्रज्वलनशील भएकाले स्थानीयले केही सतर्कता भने अपनाउनु पर्छ तर, आत्तिहाल्नुपर्ने अवस्था भने होइन्,’ उनले  भने ।

अहिले ग्यास निस्केको ठाउँको भीड सामान्य भइसकेको आइसकेको कपन प्रहरी बिटका प्रहरी निरीक्षक भगवती तिम्सिनाले जानकारी दिइन् ।

TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read