Home अर्थ चन्द्रागिरी हिल्सको वित्तीय विवरण सार्वजनिक, निरन्तर नोक्सानी व्यहोर्दै

चन्द्रागिरी हिल्सको वित्तीय विवरण सार्वजनिक, निरन्तर नोक्सानी व्यहोर्दै

चन्द्रागिरी हिल्स कम्पनी लिमिटेडले २५ करोड ३८ लाख ४२ हजार रुपैयाँ खुद नोक्सानी व्यहोर्नुपरेको छ । कम्पनीले सार्वजनिक गरेको गत आर्थिक वर्ष २०७७/७८ को चौथो त्रैमासको वित्तीय विवरणले यस्तो देखाएको हो ।

गत आर्थिक वर्षको यसै अवधिमा पनि कम्पनीले १० करोड ६६ रुपैयाँ घाटा व्यहोर्नुपरेको थियो । कोरोनाका कारण कम्पनी बन्द हुँदा कम्पनीको सञ्चालन आम्दानी घट्न पुग्दा खुद नोक्सानी समेत बढेको हो । समीक्षा अवधिमा कम्पनीको सञ्चालन आम्दानी ४१ करोड ३० लाख रुपैयाँबाट घटेर २२ करोड १५ लाख रुपैयाँमा सिमित हुन पुगेको छ ।

कम्पनीको गत आर्थिक बर्षको चैत्र १८ गते सम्माको वित्तिय विवरण अनुसार कम्पनीले १८ करोड रुपैयाँ नोक्सानी व्यहोरी सकेको थियो । कम्पनीले प्रकाशित गरेको बित्तिय विवरण अनुसार हाल कम्पनीको प्रतिसेयर आम्दानी ऋणात्मक छ ।

कम्पनीले गत बर्षको पुस २४ गतेबाट कम्पनीले जम्मा १५ लाख ३४ हजार ९१ कित्ता सेयर निष्कासन गरेको हो । जसमध्ये ४ प्रतिशत अर्थात ६१ हजार ३ सय ६४ कित्ता कम्पनीका कर्मचारीलाई, ५ प्रतिशत अर्थात ७६ हजार ७ सय ५ कित्ता म्युचुअल फण्डहरूलाई र बाँकी १३ लाख ९६ हजार २२ कित्ता सर्वसाधारणको लागि निष्कासन गर्न गरेको थियो ।

TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read