Home समाचार दुवै डोज खोप लगाउनेलाई इन्फेक्सन हुने खतरा ६० प्रतिशत कम

दुवै डोज खोप लगाउनेलाई इन्फेक्सन हुने खतरा ६० प्रतिशत कम

कोभिड–१९ विरुद्धको खोप लगाएपछि पनि कोरोनाको इन्फेक्सन भएको पाइएको छ । यसलाई वैज्ञानिकहरुले ‘ब्रेकथ्रु इन्फेक्सन’ को नाम दिएका छन् । भारत, अमेरिका लगायत विश्वका थुप्रै देशहरुमा यस्तो अवस्था आएको छ । खोपको दुवै डोजपछि पनि भाइरसको संक्रमणले गम्भीर बिरामी बनाउने र अस्पताल भर्ना हुनुपर्ने अवस्था समेत आएको छ । ‘ब्रेकथ्रु इन्फेक्सन’ रोक्नका लागि इजरायल लगायत केही देशहरुले बुस्टर डोज पनि लगाउन सुरु गरिसकेका छन् ।

तर, कति प्रतिशत मानिसहरुलाई खोपको दुवै डोज लगाएपछि पनि इन्फेक्सन हुने खतरा छ त ? यसको उत्तर नयाँ अनुसन्धानबाट पत्ता लागेको छ । बेलायतमा गरिएको एक अनुसन्धानले दुवै डोज खोप लगाएपछि कोरोना संक्रमण हुने खतरा ६० प्रतिशत कम हुने उल्लेख गरेको छ ।

अर्थात, तीन जनामध्ये एक जनालाई कोरोना खोप लगाएपछि पनि इन्फेक्सन हुने खतरा रहन्छ । त्यसैले, विशेषज्ञहरुले खोप लगाएपछि पनि मास्क, सामाजिक दूरी, स्यानिटाइजर जस्ता कुराहरुमा विशेष ध्यान दिन आग्रह गरेका छन् ।

बेलायतको इम्पीरियल कलेज अफ लण्डन र मार्केट रिसर्च फर्म इप्सोस मोरी (Ipsos MORI)  ले संयुक्त रुपमा जुन २४ देखि जुलाई १२ सम्म ९८,२३३ नमुना संकलन गरेका थिए । यसको विश्लेषण गरेर अगस्ट ४ मा अध्ययन रिपोर्ट सार्वजनिक गरिएको थियो । यो अध्ययनलाई रियाक्ट नाम दिइएको छ ।

नयाँ अध्ययनको नतिजाले के भन्छ ?

बेलायतको नयाँ अध्ययनले १६९ जनामध्ये एक व्यक्ति कोरोना भाइरसबाट संक्रमित भयो । जसले दुवै डोज खोप लगाएका थिए तिनीहरुमा प्रिभिलेन्स रेट ०.०४ प्रतिशत छ । अर्थात, १०० मा ४० प्रतिशतमा भाइरसको इन्फेक्सन भयो । त्यसैले, औषतमा तीन व्यक्ति मध्ये एक जनामा भाइरसको इन्फेक्सन हुने खतरा धेरै छ ।

उक्त अध्ययनले खोप नलगाउनेभन्दा लगाउनेलाई कोरोनाको खतरा ६० प्रतिशत कम हुन्छ । यसमा एसिम्प्टोमेटिक इन्फेक्सन सामेल हुन्छ । यस्ता व्यक्तिहरुमा प्रिभिलेन्स रेट १.२१ प्रतिशत हुन्छ । अर्थात उनीहरुमा संक्रमित हुने खतरा खोप लगाएकाभन्दा तीन गुणा बढी हुन्छ ।

बेलायत सरकारले कोरोना भाइरस नियन्त्रण गर्नका लागि लगाएको प्रतिबन्ध जुलाई १९ बाट खुकुलो बनाएको छ । बन्द कोठाभित्र मास्क लगाउने नियम पनि कतिपय क्षेत्रमा हटाइएको छ । यसपछि मे र जुनको बीचमा संकलन गरिएको नमुनाहरुमा इन्फेक्सन रेट ०.१५ प्रतिशत थियो जुन नयाँ अध्ययनमा चार गुणा बढेर ०.६३ प्रतिशत पाइएको छ । अनुसन्धानकर्ताहरुले जुलाईमा संक्रमणदर कम भएको दाबी गरेका छन् ।

के खोप लगाएका व्यक्तिहरु संक्रमित हुँदा भाइरस फैलन्छ ? 
उक्त अध्ययनले कोरोनाको दुवै डोज खोप लगाएका व्यक्तिहरु संक्रमित भएमा भाइरस फैलने खतरा हुँदैन । बेलायतको एक अध्ययनले दुवै डोज खोप लगाएका ३.८४ प्रतिशत मानिसहरुले पछिल्लो केही दिनमा कोरोना संक्रमित व्यक्तिहरुको सम्पर्कमा आएका थिए । जो इन्फेक्सनका कारण बने । उता, कोभिड–१९ संक्रमित व्यक्तिहरुको सम्पर्कमा आएको दाबी गर्नेहरुमध्ये कोरोनको खोप लगाउनेको संख्या ७.२३ प्रतिशत थियो ।

उक्त अध्ययनको सर्भे कार्यक्रमका निर्देशक तथा इम्पीरियल स्कुल अफ पब्लिक हेल्थका प्राध्यापक पोल एलियटले कुनै पनि खोपले भाइरसको संक्रमणबाट शतप्रतिशत बचाउन नसक्ने बताए । उनले खोप लगाएका व्यक्तिहरु पनि संक्रमित भएको र सावधानी अपनाउन आवश्यक रहेको बताए ।

के संक्रमण रोक्न खोप प्रभावकारी छैन ? 
पब्लिक हेल्थ इंग्ल्याण्ड (PHE) को डाटाले दुवै डोज खोप लगाउनेहरुलाई संक्रमणपछि अस्पताल भर्ना गर्नुपर्ने स्थिति फाइजर खोप लगाउनेलाई ९६ प्रतिशत र कोभिडसिल्ड लगाउनेलाई ९२ प्रतिशत प्रभावकारी भएको पाइएको जनाएको छ ।

पीएचइका अनुसार खोपका कारण बेलायतमा २.२ करोड  व्यक्तिहरु कोरोना संक्रमित हुनबाट बचेका छन् । यसका साथै, ५२,६०० अस्पताल भर्ना हुनबाट र ३५,२०० देखि ६० हजार मृत्युबाट बचेका छन् ।

जुन २१ देखि जुलाई १९ को बीच पीएचइ हस्पिटलाइजेसन डाटाका अनुसार १ हजार ७८८ मानिसहरु डेल्टा भेरियन्टबाट संक्रमित भएपछि हस्पिटल भर्ना भए । यसबाट ९७० (५४.३ प्रतिशत)ले खोप लगाएका थिएनन् । जसमा ५३० (२९.६ प्रतिशत) ले खोप लगाएका थिए ।

अब कोरोनाको ‘टाग्रेट’ को ? 
विश्वभरका १८ देखि २९ वर्ष उमेर समूहका करिब २८ लाख मानिसहरुले कोरोनाको खोप लगाएका छैनन् । ती युवाहरुमा गम्भीर लक्षण देखिने डर कम हुन्छ तर ती संक्रमितहरुबाट अरु व्यक्तिहरुमा फैलने खतरा भने बढी हुन्छ ।

इम्पीरियल कलेज अफ लण्डनको उक्त अध्ययनको अनुसार ७५ वर्षभन्दा कम आयु ग्रुपमा भाइरसको इन्फेक्सनको खतरा बढी हुन्छ । १३ देखि १७ वर्षका ग्रुपमा प्रिभेलेन्स नौ गुणा बढी भएको छ । जुन मे र जुनको सर्भेमा ०.१६ प्रतिशत जुन बढेर १.५६ प्रतिशत भएको छ ।

TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read