Homeसमाचारउज्जवल थापाको उपचारका लागि उठेको रकम तथा खर्च सार्वजनिक

उज्जवल थापाको उपचारका लागि उठेको रकम तथा खर्च सार्वजनिक

विवेकशील साझा पार्टीका नेता उज्जवल थापाको उपचारका लागि संकलन भएको रकम र खर्चको विवरण सार्वजनिक भएको छ । विवेकशील साझा पार्टीका संयोजक मिलन पाण्डेले संकलित रकम र खर्च विवरण सार्वजनिक गरेका हुन् ।

थापाको उपचारका लागि कुल २ हजार ८ सय व्यक्तिले रकम सहयोग गरेको पाण्डेले सामाजिक सञ्जालमार्फत जनाएका छन् । जसमा सबैभन्दा कम सहयोग १० रुपैयाँ र बढी १ लाख १० हजार ३४५ रुपैयाँ एकै व्यक्तिबाट प्राप्त भएको जनाइएको छ ।

सार्वजनिक विवरण अनुसार थापाको उपचारका लागि सुभेच्छुकहरुबाट कुल ६७ लाख ८३ हजार ४८५ रुपैयाँ ३४ पैसा सहयोग संकलन भएको छ । जसमध्ये थापाको उपचारमा २५ लाख ३१ हजार २८३ रुपैयाँ ६२ पैसा खर्च भएको छ ।

थापाको उपचारपछि बाँकी रहेको रकम ४२ लाख ५२ हजार २०१ रुपैयाँ ७२ पैसा विभिन्न परोपकारी संस्थाहरुलाई सार्वजनिक विवरणमा उल्लेख छ । बाँकी रहेको रकम दाताहरूलाई फिर्ता गर्न व्यवस्थापनको दृष्टिकोणले असम्भवप्रायः देखिएकाले आपसी सल्लाहमा कोभिड महामारीमा काम गरिरहेका संस्थाहरुलाई सहयोग गरिएको पाण्डेले बताए ।

सहयोग पाउने संस्थाहरुमा भोरे नेपाल, सर्लाही २ लाख ५० हजार, हार्टबिट, काठमाडौँ २ लाख, मधेश ह्युमन राइट्स होम, कपिलवस्तु २ लाख २ हजार २०१ रुपैयाँ ७२ पैसा, नेपाल क्रिटिकल केयर डेभलपमेन्ट फाउन्डेसन, काठमाडौँ ५ लाख रहेका छन् ।

यस्तै, राष्ट्रिय आविष्कार केन्द्र, काठमाडौँले १५ लाख, ओडा फाउन्डेसन, कालिकोटले १० लाख र सानो पाइला, वीरगन्जले ६ लाख रुपैयाँ पाएका छन् । थापाको उपचारका क्रममा मेडिसिटी अस्पतालमा निधन भएको थियो ।

 

TLN Post
TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read