Home समाचार सुत्केरीको ज्यान बचाउन सेनाको सहयोग, मान्छे सहितको गाडी नै बगाएको खोलावाट कसरी...

सुत्केरीको ज्यान बचाउन सेनाको सहयोग, मान्छे सहितको गाडी नै बगाएको खोलावाट कसरी तारे सुत्केरी ?

पर्वतमा नेपाली सेनाले एक सुत्केरीको ज्यान बचाउन उद्दार गरेको छ । सुत्केरीपछि अत्यधिक र क्त श्रा वका कारण महिलाको ज्यान जोखिममा परेको थियो । वर्षाका कारण वाटो भत्किएर यातायातका साधन चल्न सकेका छैनन् । कुस्मा नगरपालिका–८ दोबिल्लाको सुन्दरे खोलामा आएको बाढीका कारण उनी अलपत्र परेकी थिइन् ।

सोही खोलामा आएको बाढीले गाडी समेत बगाएको थियो । मान्छे सहितको गाडी बगाएका कारण उनीहरुको पनि खोजी भइरहेकै बेला सुत्केरी महिला उपचारका नपाएर समस्यामा थिइन् । उक्त बाढीमा पनि नेपाली सेनाले भने आफैँलाई जोखिममा राखेर महिलालाई बाढीबाट तारेर थप उपचारको लागि पोखरा पठाएको छ।

जिल्लाको मोदी गाउँपालिका–२ देउपुर घर भएकी २७ वर्षिया पार्वती गिरीलाई उपचारका लागि पोखरा पठाइएको हो । उनले गए राति साढे ११ बजे पर्वत अस्पतालमा छोरा जन्माएकी थिइन्। तर, सुत्केरी भएपछि उनको स्वास्थ्यमा थप समस्या आयो ।

गए राति साढे १० बजेदेखि निरन्तर भइरहेको वर्षाका कारण सुन्दरे खोलामा आएको बाढीले इन्जिनियर र चालक रहेको गाडी नै बगाएको थियो । त्यसैले उनलाई सो खोला तारेर उपचारका लागि अस्पताल लैजाने अन्य उपाय थिएन । सेनाले जोखिम मोलेर उनलाई बोकेरै खोला तारेको हो ।

TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read