देशभर कहाँ कस्तो रहन्छ आजको मौसम ?

0
135

मनसुन सक्रिय भएसँगै देशभर वर्षा जारी छ । बर्खायाममा वर्षा हुनु स्वभाविकै हो । तर अविरल वर्षाका कारण नदीनालाको आकार बढेर धनजनको क्षति हुन पुगेको छ ।

मनसुनी वायुकै प्रभावले आज सोमबार दिउँसो प्रदेश-१ र गण्डकी प्रदेशमा भारी वर्षाको सम्भावना रहेको छ । मौसमबारे आधिकारीक सूचना दिने जल तथा मौसम पूर्वानुमान महाशाखाकाअनुसार हाल देशभर सामान्यदेखि पूर्ण बदली रही प्रदेश १ र गण्डकी प्रदेशका थोरै स्थानहरुमा वर्षा भइरहेको छ ।

मंगलबार र बुधबार पनि विभिन्न स्थानमा भारी वर्षाको सम्भावना रहेकाले आवश्यक सतर्कता अपनाउन महाशाखाले आह्वान गरेको छ । ‘प्रदेश १ र गण्डकी प्रदेशका एक वा दुई स्थानमा मेघगर्जन/चट्टयाङसहित भारी वर्षाको सम्भावना रहेको र उक्त प्रदेशहरुको पहाडी भू-भागमा पहिरो तथा गेग्रान बहावकाे जोखिम रहेको, नदीनाला तथा खहरे खोलाहरुमा पानीको सतह बढ्न सक्ने तथा यातायात क्षेत्र प्रभावित हुन सक्ने भएकोले आवश्यक सतर्कता अपनाउनु हुन सबैमा अनुरोध छ,’ महाशाखाले जारी गरेको सूचनामा उल्लेख छ ।

LEAVE A REPLY

Please enter your comment!
Please enter your name here