Home समाचार नेपालमा कोभिडको नयाँ भेरियन्ट भेटियो!

नेपालमा कोभिडको नयाँ भेरियन्ट भेटियो!

नेपालमा कोरोना भाइरसको थप २ वटा नयाँ प्रजाति भेटिएको छ । स्वास्थ्य तथा जनसंख्या मन्त्रालयका अनुसार देशका विभिन्न भागबाट गतहप्ता संकलित संक्रमितको ३५ वटा नमूनालाई जिन सिक्वेन्सिग गर्दा ३४ नमुनामा नयाँ प्रजाति पुष्टि भएको हो ।

विश्व स्वास्थ्य संगठनको समन्वयमा भारतस्थित इन्स्टिच्युट अफ जिनोमिक एन्ड इन्टिग्रेटिभ बायोलोजीमा गरिएको परीक्षणमा ९७ प्रतिशतमा B.1.617.2 र तीन प्रतिशतमा B.1.617.1 प्रजाति पुष्टि भएको मन्त्रालयले जनाएको छ ।

यससँगै नेपालमा यो परिवर्तित भाइरसहित तीन किसिमका भेरियन्ट रहेको पुष्टि भएको छ । यी भाइरसलाई डब्लुएचओले २०२१ मे १० मा विश्वव्यापी भेरियन्ट अफ कन्सर्न भनी घोषणा समेत गरिसकेको छ । साथै, नयाँ प्रजाति सबै उमेरसमूहमा धेरै संक्रामक र जोखिमपूूर्ण रहेको मन्त्रालयले जनाएको छ ।

त्यसो त मन्त्रालयले संक्रमण रोक्न हामी सबै सचेत र जिम्मेवार बनी जनस्वास्थ्यका मापदण्ड पालना गर्न अपिल गरेको छ ।

TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read