Homeसमाचारमेक्सिकोले गाँजामा लगाएको प्रतिबन्ध सम्बन्धमा ऐतिहासिक विधेयक पास

मेक्सिकोले गाँजामा लगाएको प्रतिबन्ध सम्बन्धमा ऐतिहासिक विधेयक पास

मेक्सिकोले गाँजामा लगाएको प्रतिबन्ध सम्बन्धमा ऐतिहासिक विधेयक पास गरेको छ । उक्त विधेयक पास भएसँगै अब मेक्सिकोमा गाँजाका प्रयोग वैध भएको छ ।

अमेरिकी मुलुक मेक्सिकोको तल्लो सदनले गाँजाको प्रयोग खुलाउने गरी विधेयक पास गरेको हो । मेक्सिकोको हाउस अफ कंग्रेसले बुधबार पारित गरेको विधेयकअनुसार अब मेक्सिकोमा गाँजाको प्रयोगलाई अपराध मानिने छैन ।

नयाँ विधेयकअनुसार अब मेक्सिकोमा मनोरञ्जनसँगै मेडिकल तथा वैज्ञानिक प्रयोगमा गाँजालाई उपयोग गर्न पाइनेछ । गाँजा खुला गरेपछि मेक्सिको गाँजाको लागि अब विश्वकै ठूलो बजार बन्ने भएको छ ।

गाँजामाथिको प्रतिबन्ध फुकाउने राष्ट्रपति आन्द्रेस म्यानुएल लोपेज ओर्बाडोरको प्रशासनले ल्याएको उक्त विधेयकलाई तल्लो सदनले अत्यधिक बहुमतले पारित गरेको हो । तल्लो सदनमा सांसदहरूले ३१६ मतसहित विधेयक पारित गरेका हुन् । उक्त विधेयकको विपक्षमा १२७ मत परेको थियो ।

तल्लो सदनबाट पारित भएको उक्त विधेयक अब माथिल्लो सदन सिनेटले पनि पारित गरे मेक्सिकोको कानुनको रूप लिनेछ र लागु हुने छ । सिनेटमा पनि सत्तारूढ पार्टीको बहुमत भएकाले विधेयक सहजै पारित हुने अवस्था रहेको छ ।

यसअघि सन् २०१३ मा दक्षिण अमेरिकी मुलुक उरुग्वेले गाँजाको उत्पादन र वितरणलाई वैध बनाएको थियो । त्यहाँका अर्जेन्टिना, चिली, कोलम्बिया र पेरूले पनि मेडिकल प्रयोगका लागि गाँजालाई वैध गरेका छन् । सन् २०१८ मा क्यानडाले पनि गाँजाको प्रयोगलाई अनुमति दिएको थियो ।

TLN Post
TLN Post
सपूर्ण नेपाली सम्पूर्ण समाचार,म्युजिक भिडियो, फिल्म र अन्य खबरहरु र साथसाथै म्युजिक र फिल्महरु को रिभ्यु | साथै यहाँहरुको म्युजिक भिडियो र फिलिमहरुको प्रोमोसन गर्नु परेमा हामी लाई साम्झनुहोस |

LEAVE A REPLY

Please enter your comment!
Please enter your name here

Must Read