१ मिनेट मै निफ्राको शेयर मूल्यमा पोजेटिभ सर्किट,हेर्नुहोस कति मा भयो कारोवार

0
3901

नेपाल स्टक एक्सचेन्ज नेप्सेमा कारोबार सुरु भएको पहिलो दिन नै नेपाल इन्फ्रास्ट्रकचर बैंक ‘निफ्रा’ को शेयर मूल्यमा सकारात्मक सर्किट लागेको छ । नियमित कारोबार सुरु भएको १ मिनेट मै कम्पनीको शेयर मूल्य १० प्रतिशतले बढेको हो ।

बैंकको NIFRA सिम्बलबाट कारोबार सुरु भएको हो  । बैंकको पहिलो कारोबार ३४० को मूल्यमा भएको थियो  । प्रि ओपन सेसनमा बैंकको ७ हजार ३ सय ८० कित्ता शेयर कारोबार भएको थियो । ११ बजे नियमित कारोबार सुरु भएकोमा ११ बजेर १ मिनेट मै कम्पनीको शेयर मूल्य १० प्रतिशतले बढेर ३७४ को बिन्दुमा पुगेको छ ।

गत बिहिबार बैंकको २० करोड कित्ता शेयर सुचिकृत भएको थियो।  नेप्सेले पहिलो कारोबारको लागि ११३.६२ देखि ३४०.८६ रुपैयाँसम्मको रेन्ज तोकेकोमा उच्च बिन्दुबाट कारोबार सुरु भएको हो। नेप्सेले कम्पनीको नेटवर्थको ३ गुणासम्मको रेन्ज तोकेको छ । बैंकको आरटिएस ग्लोबल आईएमई क्यापिटल रहेको छ ।

  1.  बैंकले माघ २ देखि सर्वसाधारणको लागि आईपिओ निष्काशन गरेको थियो । बैंकले  एक सय रुपैयाँ अंकित दरका ८ करोड कित्ता शेयर अर्थात ८ अर्ब बराबरको आईपिओ निष्काशन गरेको हो। जस मध्ये ०.२० प्रतिशत अर्थात १ लाख ६० हजार कित्ता कर्मचारीहरुको लागि  र ५ प्रतिशतले हुन आउने ४० लाख कित्ता सामुहिक लगानी कोषको लागि छुट्याईएको थियो । बाँकि रहेको ७ करोड ५८ लाख ४० हजार कित्ताको लागि सर्बसाधारणले आवेदन दिएका थिए ।  नेपाली पुँजीबजारमा आएको यो नै हालसम्म कै ठुलो आईपिओ हो ।

LEAVE A REPLY

Please enter your comment!
Please enter your name here