मेलिना राई र राजनराज सिवाकोटीको स्वरमा ‘क्या मज्जा आको’ बोलको नयाँ गीत सार्वजनिक भएको छ। उक्त गीतमा राजनराजकै शब्द र संगीत रहेको छ भने नाट्य शैलीमा निर्माण गरिएको म्युजिक भिडिओमा पल शाह र रेश्मा घिमिरेले अभिनय गरेका छन्।
पल शाह र रेश्मा संगै भिडिओमा हास्य अभिनेता तथा निर्देशक निर्मल शर्मा (गैंडा) पनि देखिन्छन्। नवराज उप्रेतीको सिनेमेटोग्राफी रहेको भिडिओलाई गम्भीर विष्टले निर्देशन गरेका हुन्। भिडिओ उनकै कन्सेप्ट र कोरिओग्राफीमा तयार भएको हो।
‘क्या मज्जा आको’मा सुवोल थापाले सहायक निर्देशकको भूमिका निर्वाह गरेका छन्। भिडिओ सम्पादन नविन निरौलाले गरेका हुन्।