Homeसमाचारप्रतिनिधिसभा विघटन विरुद्ध प्रचण्ड–नेपाल नेकपाद्वारा देशव्यापी विरोध प्रदर्शन

प्रतिनिधिसभा विघटन विरुद्ध प्रचण्ड–नेपाल नेकपाद्वारा देशव्यापी विरोध प्रदर्शन

१४ पुस काठमाडौं । प्रतिनिधिसभा विघटनको विरोधमा प्रचण्ड–नेपाल नेतृत्वको नेपाल कम्युनिष्ट पार्टी (नेकपा)ले देशभर विरोध प्रदर्शन सुरु गरेको छ ।
नेकपाकै अध्यक्ष एवं प्रधानमन्त्री केपी शर्मा ओलीले असंवैधानिक र अलोकतान्त्रिक ढंगले प्रतिनिधिसभा विघटन गरेर देशलाई अस्थिरतातर्फ धकेलेको भन्दै नेकपाको प्रचण्ड–नेपाल पक्षले देशव्यापी आन्दोलन सुरु गरेको हो । केन्द्रीय नीतिअनुसार आज मंगलबार देशभर विरोध प्रदर्शन सुरु गरिएको छ ।

काठमाडौंमा आयोजित विरोध प्रदर्शनमा अध्यक्षद्वय प्रचण्ड र माधवकुमार नेपाल, वरिष्ठ नेता झलनाथ खनाल लगायतका नेताहरुले नेतृत्व गरेका छन् ।
काठमाडौंको विभिन्न भागबाट सुरु गरिएको जुलुस प्रदर्शन भृकृटीमण्डमा पुगेर आमसभामा परिणात हुनेछ । सभालाई शिर्ष नेताहरुले सम्बोधन गर्ने कार्यक्रम समेत रहेको छ ।

पुष ५ गतेबिहानसम्म एउटै पार्टी रहेको नेकपा अहिले व्यवहारिक रुपमा फुटेर दुई टुक्रा भैसकेको छ । एक टुक्राको नेतृत्व प्रचण्ड–नेपाल पक्षले गरेका छन् । जहाँ दुई तिहाई केन्द्रीय सदस्य र अधिकांश सांसदहरु रहेका छन् भने अर्को टुक्राको नेतृत्व प्रधानमन्त्री केपी शर्मा ओलीले गरेका छन्, जोसँग राज्यका संबै अंगहरु रहेका छन् । दुवै पक्षले आआफ्नो पक्षमा नेता कार्यकर्ता र मतदाताहरुलाई आकर्षित गर्न भगिरथ प्रयत्न गरिरहेका छन् ।

LEAVE A REPLY

Please enter your comment!
Please enter your name here

Must Read